متابعات: استرجع النجم محمد هنيدي، ذكريات طفولته وشبابه التي قضاها في منطقة إمبابة، خلال حوار له مع الفنان أمير كرارة مقدم برنامج "سهرانين".
وأشار هنيدي إلى أن علاقته بجده الراحل كانت متميزة، خاصةً وأنه جاء للدنيا بعد أن رُزق والده بأربع فتيات.
وقال، "جدي كانت قعدته لذيذة ويمكن أنا كنت أقرب حفيد له، كان ليّا معاملة خاصة في كل حاجة، الله يرحمه كان معايا حالة خاصة جدًا، وخاصة أني كنت بعمله اللي هو عايزه، وأي خناقة مع أي حد في عيلتي مكنش حد يقدر يتكلم بسبب علاقتي بجدي".
وأضاف، "لما انتقل جدي لرحمة الله فالولي جدك سايبلك حاجة، فأنا فرحت أوي يعني وقولت سايبلي ورث أي أرض ولا حاجة، فالله يرحمه طلع سايبلي السديري والعصاية بتاعته كذكرى منه يعني، طبعا انفعلت وقتها وأنا نازل من البيت قمت راميهم على الأرض وقلت إيه الورث ده".
وعن الشبه بين جده في فيلمه الشهير "فول الصين العظيم" وجده الحقيقي؛ أوضح، "لا مفيش شبه وعلاقة مختلفة تمامًا، جدي كان طيب جدًا وبيوجهني وبيعلمني الصح، لكن في فول الصين العظيم جدي كان عاوز يطلعني حرامي".
![](https://www.facebook.com/dialog/feed?app_id=1035478286477956&link=https://alkofiya.info/post/101705&picture=https://alkofiya.info/upload/photo_library/photo/1613978935-9881-38.jpg&name=تعرف على الإرث الذي تركه جد "محمد هنيدي"&display=popup){kind=link}